Sunday, December 27, 2009

Soooo Sweeeeeet :wub:

ასეთი ლამაზი commercial ჯერ არ მინახავს... უყურეთ <3 სოFია კოპოლას გადაღებული უმშვენიერესი სარეკლამო რგოლი.. ულამაზესი მოდელი, ულამაზესი პარიზი, ულამაზესი ფერები.. მოკლედ, დატკბით! <3


Miss Dior Cherie with Maryna Linchuk from tinsley vanderson on Vimeo.

Continue Reading...

Tuesday, December 22, 2009

ვიდეო პოსტი a.ka. home alone





ალბათ ვისაც მთელი დღე ოჯახის წევრები სახლში გყავთ, ძალიან გიხარიათ ის იშვიათი შემთხვევბი, როცა მარტო რჩებით..
დაურეკავთ ეგრევე დაქალს/ძმაკაცს და უწყინარი გართობის საშუალებებს მიმართავთ :D
ერთ-ერთ ასეთ დღეს (პრინციპში რაღა დღე, ღამის 3 საათი იყო:D )მე და ქეთიმ გადავწყვიტეთ, მუსიკის ნაზ ჰანგებს სხეულის ჰარმონიული მოძრაობებით ავყოლოდით...


Continue Reading...

Tuesday, December 15, 2009

გიორგი მეფის ანდერძი





"მე მრავალი ცოდვა მიმიძღვის ამქვეყნად, როგორც მეფეს, ისე როგორც კაცს, თითქმის ყველა ღირსება და ყველა ნაკლი ჩემი ხალხისა მიტარებია. ვაჟკაციც ვიყავი და მშიშარაც, კეისარს ვებრძოდი, მეშინოდა ხვიარის ფესვებისა, გულზვიადიც ვიყავი და ლოთიც, მაგრამ ჩემი ხალხისათვის არასოდეს მიღალატნია.
ჩვენი უბედურება ამჟამადაც ეგაა: ჩვენში მოღალატენი სჭარბობდნენ ერთგულებს, განა თუ სხვისი, საკუთარი თავისა, თავის ხალხის მოღალატენი, კარგად ვიცი თვით ჩემს მსტოვარებში ნახევარი ბიზანტიელებსა ჰყავდათ შესყიდული, ნახევარი - სარკინოზებს.
როცა ხალხს ამდენი მოღალატე შინა ჰყავს, მაკედონელიც ვერ გაამარჯვებინებს მას.

ბასიანთან აზნაურებს რომ არ ეღალატნათ, იქაც ვძლევდი ბასილი კეისარს.

თუ მთელმა ერმა გამარჯვება არ მოინდომა, მაკედონელიც ვერ უშველის, რადგან ჯერ არსად გაუმარჯვნიათ მშიშარებსა და მსტოვარებს.

სიყრმე და სიჭაბუკე საქართველოს შევალიე, მაგრამ ქართლელები "აფხაზს" მეძახდნენ, ხოლო აფხაზები - "ქართლელების მსტოვარს" მიწოდებდნენ ბაგრატოვანს, ლაზს.

დამანელა აზნაურებისა და სარდლების კინკლაობამ. ჩვენში ყოველ ნაბიჭვარს აზნაურობა სწყურია, ყოველ ნაცარქექიას - სარდლობა.
მუდამ ბიზანტიელებს ეგებოდნენ ფეხქვეშ ჩვენი სულელი აზნაურები და ღორმუცელა ეპისკოპოზები, მეფეები მწვანე ეტლებს მიეტრფოდნენ და ბიზანტიურ ხარისხებს, ამიტომაც არ მიყვარდა პაპაჩემი - გურგენ მაგისტროსი, მამაჩემი - ბაგრატ კურაპალატი, და მცხეთიდან გაქცევის წინაღამეს ჩემს ვაჟს წავეკიდე, ბაგრატს.
ჩვენი უბედურება ეგაა: სხვის ფანდურზე ბუქნაობა გვიყვარს, ამიტომაც მუსრს ავლებდა საქართველოს სხვის ქვეყნებში ატეხილი ჭირი.

ხალხიც აზნაურებს ბაძავდა, პიპა, ამიტომაც მშვენიერს, "უცხოს" უწოდებდნენ, კარგ ქართულ თხილს - "ბერძნულს" ხოლო საუკეთესო ცერცვსაც - "ბერძნულს".

სიმთვრალეში კარგი ვაჟკაცები ვართ და კარგი რიტორები, ეგაა ოღონდ - სიფხიზლის დროს ჩადენილი ცუდკაცობა სიმთვრალეში გვავიწყდება ხოლმე, ხოლო ქეიფის დროს დანაქადები უკვე აღარ გვახსოვს გამოფხიზლებულთ.

მეც მჭირდა ეგ სენი, სიმთვრალეში მოვაკვლევინე ფხოველებს დედიჩემის დისწული გირშელ, თრიაქით მთვრალმა.
ოდითგანვე ასე მოგვდგამს ქართველებს: მუდამ ჩვენს სიმცირეს მივსტიროდით, რადგან მტერი აურაცხელი გვყავდა მუდამ, მაგრამ დიდი კაცი თუ გამოგვერია. მას ისე დავკორტნით, როგორც დაკოდილ ძერას ყვავები."
Continue Reading...

Monday, December 14, 2009

Isadora Duncan





აისედორა დუნკანი იყო მოცეკვავე, რომელმაც საფუძველი ჩაუყარა ცეკვის თავისუფალ სტილს...მან შეცვალა ცეკვაც და ყოველდღიურობაც.. აისედორა დაიბადა სან Fრანცისკოში, 1877 წელს.. ის მოღვაწეობდა ევროპაში, რამდენიმე წელი იცხოვრა რუსეთშიც..

აისედორა ითვლება ცეკვის თანამედროვე სტილის ფუძემდებლად.. ის სცენაზე გამოდიოდა ფეხშიშველი და საბალეტო კოსტუმის ნაცვლად ანტიკურ ქიტონს იცვამდა. ის უბრალო მოცეკვავე არ იყო, მისი მოღვაწეობა უფრო მეტი გახლდათ. აისედორამ განიცაადა ნიცშეს გავლენა და ,ამდენად, მას სურდა შეექმნა ახალი ქალი. მან დაწერა წიგნი "მომავლის ცეკვა" დუნკანი წერდა: "ჩემი ხელოვნება სიმბოლურია, და ეს სიმბოლო ერთადერთია: ქალის თავისუფლება და მისი ემანსიპაცია იმ პირობებისგან, რაც ასე ღრმად არის ჩამჯდარი პურიტანიზმში". იგი არ იყო გათხოვილი,მაგრამ ჰყავდა აყვანილი ბავშVები, რომლებსაც ზრდიდა.


აისედორა რუსეთში ძალიან დააფასეს. მან საკუთარი სკოლაც გახსნა..რამდენიმე წლის შემდეგ აისედორას ფინანსური პრობლემები შეექმნა. საჭირო იყო, წასულიყო ევროპაში გასტროლებზე. მაგრამ აისედორას შეუყვარდა ცნობილი რუსი პოეტი, სერგეი ესენინი ამ პერიოდისთვის აისედორა 43 წლის იყო. აისედორას პრინციპები ეწინააღმდეგებოდა ქორწინებას, ის ქალთა თავისუფლებას ქადაგებდა,მაგრამ ესენინთან ქორწინებაზე ის დასთანხმდა.


მათ ერთმანეთთან სალაპარაკოდ სჭირდებოდათ თარჯიმანი, რადგან ესენინმა არ იცოდა ინგლისური, ხოლო აისედორამ - რუსული. საზღვარგარეთ ყოფნისას მათი ურთიერთობა დაიძაბა. ხშირად ჰქონდათ უთანხმოება და ერთი წლის შემდეგ ისინი დაშორდნენ...
აისედორას სიყვარული მალევე ეწვია და ამჯერად 25 წლის რუსი პიანისტი, ვიქტორ სეროვი შეუყვარდა : ) ეჭვიანობის მიზეზით აისედორამ ერთხელთავის მოკვლაც კი სცაადა..
მაგრამ რამდენიმე დღის შემდეგ მან ტრაგიკულად დაასრულა სიცოცხლე:
დილით აისედორამ დიდი, წითელი შარფი შემოიხვა ყელზე და საავტომობილო გასეირნება გადაწყვიტა. ავტომობილი დაიძრა, შემდეგ უცებ გაჩერდა, შარფის მეორე ბოლო ბარბალში გაეხვია და დუნკანს კისერი მოსტხა.
აისედორა დაკრძალეს პერ-ლაშეზის სასაფლაოზე.


Continue Reading...

Sunday, December 13, 2009

გამარჯობა, პატარავ!


გამარჯობა, პატარავ!


ახლა ალბათ სახლის კიბეზე ჩამოსკუპებული ფერად-ფერად კაბებს უკერავ შენს ბარბის, დროდადრო ჩამოყრილ ქერა კულულებს ისწორებ, აწეწილ-დაწეწილი რომ არის ხოლმე. მერე დედა დაგიძახებს, მოდი, ჭამეო.. შენ დაიჭყანები და გამობუშტული ტუჩებითა და ბუზღუნ-ბუზღუნით მიუჯდები მაგიდას და მრისხანე მზერას ესვრი. ის კი საქმიანად გამოიწვდის ჩანგლიან ხელს, რომ პაწია ტუჩები გახსნა და ჩაყლაპო ლუკმა...
ვზივარ ჩემს საწერ მაგიდასთან, სიცივისგან მობუზული და შენს გახსენებაზე მეღიმება... ყოველთვის ვამბობდი, რომ არასოდეს მომენატრებოდი,მაგრამ ახლა ძალიან მენატრები, პატარავ.
გახსოვს, ძალიან რომ წვიმდა... შენ გოგოებთან ერთად გინდოდა მარიკას სახლში ვიდეოკასეტებისთვის გეყურებინა,მაგრამ დედა არ გიშვებდა, ფეხებს დაისველებო. მაშინ მაიკომ აგიყვანა და ასე ხელში ატაცებული მიჰყავდი, ხვნეშითა და გაჭირვებით, ფეხი რომ აუსრიალდა და დაეცა. შენი გაადარჩენის მცდელობისას საშინლად იტკინა მუხლი, გაეჭრა და ახლაც ამჩნევია ის ნაიარევი.

გახსოვს, როგორ ბერავდა მთელი სამეზობლო შენს გასაბერ აუზს, რომელშიც მარტო შენ ეტეოდი,მაგრამ მაინც ყველა ბავშვს ერთი სული ჰქონდა, როდის გაიბერებოდა...

გახსოვს, როგორ ტიროდი, გოგოები რომ წავიდოდნენ სასეირნოდ და შენ დედა არ გიშვებდა, ისინი დიდები არიან , რა გინდა მათთანო.. აქვითინებული შევარდებოდი შენს ოთახში და ხელისგულებში თავჩარგული იცრემლებოდი. დედა დანანებით ამბობდა, რა ცუდია, უბანში შენხელა არავინაა, ყველა დიდიაო.

გახსოვს, ყოველ დღე ფანჯრიდან ლიანდაგებს რომ უყურებდი და იქ სიარულზე ოცნებობდი,მაგრამ არ გიშვებდნენ ხოლმე...

იცი, ამას წინად მე და მაიკო ვიყავით იმ ლიანდაგებზე და ვიხსენებდით..
ნინოს უკვე ანანო ჰყავს, მალე მეორე პატარაც ეყოლება... მონიკა ფოთში გაგვითხოვდა..ქრისტინა "მერიოტში" მუშაობს... ნანა საბერძნეთში წავიდა... მარტო მე და მაიკო შემოვრჩით უბანს..მაგრამ მალე , 5 თვეში მეც გავფრინდები ბუდიდან.. გტოვებთ შენ და მაიკოს..


ბიბლიოთეკაში ის სურათი აღარ ჰკიდია, ბორჯომში რომ დაგხატა ერთმა ბიძიამ.. ქერა , გაწეწილი თმა, ლურჯი კომბინიზონი და შავი ყელსახვევი რომ გიკეთია..

იცი , მე და შენ საერთოდ აღარ ვგავართ ერთმანეთს..
მე აღარ ვარ ქერა,
მე აღარ ვთამაშობ ბარბებით,
მე აღარ ვოცნებობ დიზაინერობაზე,
მე აღარ მგონია ბებია ბოროტი კუდიანი...
მე აღარ მინდა, სკოლაში ყველა ბიჭზე ძლიერი ვიყო, რომ ვისი ცემაც მინდა, ყველასი შემეძლოს.
მე აღარ ვარ შენ,
მაგრამ აბა , მამაჩემს ჰკითხე?!
Continue Reading...

Saturday, December 12, 2009

დაგათოვდები ხელისგულებზე..




საუკუნეა, არ დამიპოსტავს..არც დრო მქონდა, არც იდეები :) საერთოდ ბლოგის წაშლასაც ვაპირებდი,მაგარმ ერთ-ერთმა ფორუმელმა გადამაფიქრებინა :))

უბრალოდ დავწერ სიახლეებზე..

აბიტურიენტობის მარწუხებმა ძალიან მომიჭირეს, სასტიკად ვიღლები და ხან ფეხი მტკივა, ხან გული მაქვს ცუდად... მოკლედ, გავითანგე.
სკოლიდან გამოვედი, რომ აღარ ვიარო კერძო სკოლაში შევიტანე საბუთები...

ამ დროისთვის რომანტიკული ურთიერთობები გავწყვიტე:))) პაუზა ავიღე..
ველოდები მოულოდნელს :) :)

მე და მაკამ არსად წასვლის დღის ტრადიცია ჩამოვაყალიბეთ :)
კვირაობით (ერთადერთი მეტ-ნაკლებად თავისუფალი დღე გვაქვს) ვნახულობთ ერთმანეთს და ხან სად მივდივართ , ხან სად..
რატომ დავარკვით "არსად წავლის დღე?"
:)
მოგიყვებით:

3 კვირის წინ მაკას თემის ქსეროქსი უნდა მოეცა და კაფეში შევხვდით ერთმანეთს.. საუბარი გაგვიგრძელდა და შემოვრჩით.. მერე შემთხვევით ძმაკაცებმა ჩაიარეს კაფის წინ და შეგვნიშნეს, შემოგვიერთდნენ.. სადმე გვინდოდა წასვლა,მაგრამ ვერ მოვიფიქრეთ ვერაფერი..
სათვალავი ამერია, მერამდენედ ვიკითხეთ ერთმანეთში
"სად წავიდეთ?"
"-არსად"
"კარგი, წავიდეთ არსად"
ამ არსად-არსად-ით ლამის მთელი ქალაქი მოვიარეთ :)) ბევრი ვიცინეთ, ვისაუბრეთ, სტუდენტურ ცხოვრებაზე ვიოცნებეთ.. მერე მაკა გავაცილეთ ფეხით :)) აქეთობისას რომ მოვდიოდით, გაწვიმდა... უფრო სწორად, ცრიდა, საღამო იყო უკვე და ლამპიონების შუქზე წვეთები ძალიან ლამაზი იყო..
სახლში ძალიან ნასიამოვნები დავბრუნდი.. :)
იმ დღის მერე გადავწყვიტეთ, ყოველ კვირას ასე შევხვედროდით დდა "არსად" გვესეირნა..:)
წინა კვირას მაკამ თავისთან მიიმწვია თავისი კულინარიული შედევრები დასაგემოვნებლად.. :D მშვენიერი მზარეულია :)
ხვალისთვის ვაპირებთ ყინულზე სასრიალოდ წავიდეთ. . :)

კვირა დღე მიყვარს...
ჩვენი მეგობრობა მიყვარს..
არსად სიარული.. :)
მალე ალბათ მოთოვს კიდეც...
დავათოვდებით ერთმანეთს ხელისგულებზე :)
Continue Reading...

Friday, November 6, 2009

სტუმრად ალისას საოცრებათა ქვეყანაში

მე პიკასო ვარ.

Gwen Stefani - What You Waiting For A Capel  by  picasso090
ჩართე


გუშინ  იმ ხის ძირას კითხვისას, ჩამეძინა ალისა თავის სიზმრებს რომ ხედავს ხოლმე. ჯადოსნური ხეა. მეც იმ სამყაროში მოვხვდი.

დავიკარგე და გზა ამერია.  გადავეყარე ათას ზღაპრულ არსებას. ბავშვობიდან მოყოლებული ზღაპრის წიგნებში გამომწყვდეული  რომ მეგონნენ. თურმე აქ ამ სამყაროში ცხოვრობენ. ყველა ერთად და ბედნიერად. ალისაც მათ შორისაა ვეძებ და ვერ ვპოულობ. იქნებ ვინმემ იცოდეს რამე.???? იქნებ ვინმემ ნახა?????

მხიარული ხალხია აქ .ის სასაცილო კურდღელიც გავიცანი.
-ჰეი ბაჭია ალისა არ გიანახავს
-ალისა?????
-ხო ალისა ლამაზი გოგოა აი ასეთი  . ცისფერი კაბა აცვია. აქ დაიკარგა არავის იცნობს და მადარდებს მისი ამბავი. იქებ შენ ნახე. და გზა მიმასწავლო.
_გოგო ალისა???? ხო ვნახე ვნახე.
 საათი აუწკრიალდა და თავქუდმოგლეჯილი გაიქცა,სადღაც შორს  გაუჩინარდა

სად არ ვეძებე ვის აღარ ვკითხე მისი ამბავი. სად არის??? საით წავიდა ხომ არ გინახავთ . ????

მათმა პასუხებმა კი მთლად დამაბნია.


ერთნი თავის არდაბადებისდღისადმი მიძღვნილ სადილზე მეპატიჟებოდა. ყანწით დალოცე იუბილარი და მერე გეტყვითო. მეორენი კი გამოცანებს თუ ამოცანებს მეუბნებოდა თუ გამოიცნობ გეტყვითო.

 ბოლოს ჩეშირელ კატასაც ვკითხე .თუ  როგორ ვნახავდი ალისას. რა გზით და იქნებ იმ გასაღებზეც ეთქვა რამე რომლის მოსაძებნადაც მოხვდა ალისა აქ . ამ საოცრებათა ქვეყანაში.

იმდენი კითხვები დამისვა თავგზა ამერია და ისევ მარტომ განვაგრძე გზა.

ყველანი ისეთი ქაუტურები იყვენ ისე დარბოდნენ აქეთ-იქით თითქოს ვიღაცას ელოდებიან და მის დასახვერდად ემზადებიანო.

ხელში კაპაროლის H16 საღებავიც მომაჩეჩეს ჩვენს დედოფალს ასეთ ვარდებს ვერ ვაჩვენებთ თავებს წაგვაცლის ვარდისფერი თუ არ იქნება და გადაღებე ყველა ასეთი უნდა იყოსო.


აღლუმზეც მოვხვდი.ერთი  დედოფალი ყავთ nickname-დ sweetს ეძახიან  ცაზე მზეც კი ვარდისფრად უნდა რომ ანათებდეს და ყველა მზადაა შეასრულოს მისი დავალება ”30 გაკვეთილი ბლოგერს” (მეც მათ შორის:). ცოტა შემეშინდა კიდეც მისი უზომო პოპულარობის .

თითქოს ალისასაც მოვკარი თვალი მაგრამ ისეთი აურზაური იყო იმდენი ხალხი ირეოდა ვერაფერს ვერ ვარჩევდი.

ბოლოს ისევ ფეისბუქის ლაბირინთებში მოვძებნე ალისა და აწი ერთად ვიმოგზაურებთ ამ საოცრებათა ქვეყანაში.

დღეიდან  ჩვენს ბლოგებს ოფიციალურად დამეგობრებულ ბლოგებად ვაცხადებთ.





 
Continue Reading...

Wednesday, November 4, 2009

1..2..3..4...




ამ საღამოს ყოველდღიური რუტინისგან ქანცგწყვეტილი თბილად მოვკაალათდი ბუხრის წინ,
ფლეიერით და მურაბიანი ჩაით..
იმაზე ჩავფიქრდი, როგორ მჭირდება ახლა რაღაც ახალი.. უკვე საშინლად მაღიზიანებენ ეს ზედმეტად ყოვლისმცოდნე და სერიოზული თინეიჯერები, რომლებსაც არაერი აკვირვებთ, ზედმეტად თანამედროვეები არიან..
არ მინდა მატერიალიზმის ჭაობში ჩავეფლო, ვინმეს ან რამეს ძალა მინდა ვიგრძნო, რომ მოვეჭიდო და ამომათრიოს.
ველოდები ახალ ეტაპს, საოცარი ოპტიმიზმით
წარმოვიდგენ ჩემს ოცნებებს..
უფრო სწორად, სულელურ ახირებებს, სხვას ალბათ სასაცილოდაც არ ეყოფა , ისეთებს...
აი,მაგალითად, რამდენი ხანია მინდა შემოდგომის რომელიმე თბილ,მთვარიან ღამეს სადმე გზატკეცილზე ფეხმორთხმულმა გავათენო კოცონის წინ..მაგრამ მარტო არა. ჩემს გვერდით იყოს ვინმე, ვინც კარგად უკრავს გიტარაზე :) :)
ჰო, და კიდევ, ერთი ბოთლი მარტინი სრულყოფდა ამ ყველაფერს

ვინ იცის, იქნებ ავასრულო კიდეც ეს ოცნება...

მთავარია, ადამიანს ისე ცხელი გული ჰქონდეს, თავისი გზის ბოლოს იმ დიდმა, ცივმა მარმარილოს ქვამაც რომ ვერ შეძლოს მისი გაგრილება...

P.S.
ამას მოუსმინეთ...რაღაცნაირად ჩემს განწყობას ასახავს

Sia - Breathe me

Continue Reading...

Monday, November 2, 2009

#4: მოიფიქრე 10 პოსტი

გადავწყიტე, სვითის დავალებების შესრულებას შევუდგე, წინა სამი გავაკეთე, ესეც მეოთხე :)

ლიტერატურული ტეგ თამაში - ამ პოსტში ნაირა გელაშვილის "დედის ოთახი" ვახსენე. აუციებლად მივუძღვნი ამ ნაწარმოებს ცალკე პოსტს.
ასევე, ჩემი საყვარელი ციტატებით შედგენილ პოსტსაც შევმნი...
1. "დედის ოთახი"
2. My Quote Book


A fine frenzy - ჩემი ერთ-ერთი საყვარელი მუსიკოსია.. ვაპირებ, Regina SPektor-სა და Roisin Murphy დავდო პოსტი

3. Regina Spektor
4. Roisin Murphy

How to have a lovely day - იმ რჩევებს, რაც მოგეცით, ჩემს თავზე გამოვცდი და პოსტში აღწერილ პუნქტებს ზედმიწენით შევასრულებ, მერე ექსპერიმენტის შედეგებს პოსტად მოგითხრობთ :D
5. How to have a lovely day - ესქპერიმენტის შედეგი

Letters (1)- არ ვიცი ვის რამდენად დააინტერესებს, მაგრამ კიდევ ერთ პირად წერილს დავაფაბლიშებ :)
6. Letters (2)

პარიზის ყოველწლიური შოკოლადის ბაზრობა - მოვიძიებ რაიმე მსგავს სახალისო ყოველწლიურ ტრადიციას
7. სახალისო ტრადიცია

Ten Best dressed Teens - აუცილებლად დავწერ მოდის სიახლეებზე რაიმე პოსტს + ძველ pოსთში ლეიტონ მასტერსის ფოტო იდო, ჰოდა. Gossip Girl დავწერ აუცილბად
8. Fashion News
9. Gossip Girl

ფრანგული ენის დიპლომი "DELF-DALF" - 25 ნოემბეერს ამ გამოცდას ჩავაბარებ და უფრო დეტალურად მოვყვები რა და როგორ იყო, მე როგორ დავწერე და რა შედეგებს ველი
10. Delf A2-ის გამოცდა
Continue Reading...

Sunday, November 1, 2009

ლიტერატურული ტეგ თამაში



Picasso-ს რჩევით ლიტერატურული ანკეტა გადვფილტრე და ტეგ თამაშად გადავაქციე :)

მაშ ასე:



ასაკი მიუთითეთ
1. წელს წაკითხული წიგნებიდან რომელი იყო ყველაზე შთამბეჭდავი?
2. სამი ყველაზე საყვარელი პოეტი
3. სამი ყველაზე საყვარელი მწერალი
4. რომელ წიგნზე გიტირიათ?
5. რომელ წიგნს დასცინეთ?
6. რომელ მწერალს მისცემდით ნობელის პრემიას?
7. საყვარელი ციტატა წიგნიდან
8. ბავშვობის ყველაზე საყვარელი წიგნი
9. რომელი წიგნის პერსონაჟი ყველაზე ახლოსაა თქვენს პიროვნებასთან?
10. დათვლილი გაქვთ რამდენი წიგნი წაგიკითხავთ?





-------------------------


1. წელს წაკითხული წიგნებიდან რომელი იყო ყველაზე შთამბეჭდავი? კონსტანტინეს "მთვარის მოტაცება"
2. სამი ყველაზე საყვარელი პოეტი - გალაკტიონი, ასათიანი, ნიშნიანიძე
3. სამი ყველაზე საყვარელი მწერალი -კონსტანტინე,დოჩანაშვილი, ჭილაძე, ეკზიუპერი, ჰემინგუეი
4. რომელ წიგნზე გიტირიათ? - "გმირთა ვარამზე"
5. რომელ წიგნს დასცინეთ? - კოელიოს "11 წუთს"
6. რომელ მწერალს მისცემდით ნობელის პრემიას? გამსახურდისა და ჭილაძეს
7. საყვარელი ციტატა წიგნიდან - "ვარსკვლავები იმიტომ კიაფობენ,რომ ადრე თუ გვიან ყველამ იპოვოს თავისი ვარსკვლავი"
8. ბავშვობის ყველაზე საყვარელი წიგნი - გრიმების ზღაპრები და ტომ სოიერი
9. რომელი წიგნის პერსონაჟი ყველაზე ახლოსაა თქვენს პიროვნებასთან? - კარმენი
10. დათვლილი გაქვთ რამდენი წიგნი წაგიკითხავთ? - არა,მაგრამ ასე 400-მდე

ვთაგავ:
1. Picasso
2. Tiny
3. Sophie Golden
4. Kate


Continue Reading...

Saturday, October 31, 2009

”სახალისო” ანკეტა





Coraline-მ დამთაგა, ეს ანკეტა ფორუმზე შევავსე ადრე, ბარემ ახლააც.. :D

მიყვარს - ახლო ადამიანები, შოკოლადი, პარიზი, წიგნები, ზღვა, მელოდრამები, ფერადი კაბები
ვოცნებობ - პარიზზე და კალიფორნიის გზატკეცილზე
ვფიქრობ - ძალიან ბევრს და ძალიან ხშირად
მძულს - სიამაყე
ვნანობ - თითოეულ დღეს
კმაყოფილი ვარ - არაფრით
მენატრება - ზაფხული
მსურს - შოკოლადი და ბანანის წვენი :(
მაღიზიანებს - ამპარტავნება
ვგრძნობ - სიცარიელეს
მეშინია - სიკვდილის
ვიცი - რა უნდა ვაკეთო
არ ვიცი - რა მინდა მე
შემიძლია - პატიება
არ შემიძლია - დავიწყება
ვმეგობრობ - ყველასთან, ვისაც უნდა
ვაპატიებ - ყველაფერს, თუ გულით ნანობს
ვტირი - ხშირად
ვიცინი - ხშირად
ვეძებ- მიზანს
ღირსი ვარ - პარიზის :(
ვკარგავ- დროს
მშურს - სორბონის სტუდენტების :შ
ვემალები - სასწავლო ნაწილის გამგეს :D
ვემტერები - ქედმაღლებს
მაინტერესებს- ხელოვნება...
არ მაინტერესებს - იურისდიქცია O.ო
მახსოვს - ზღვაზე, 4 წლის წინ <3> შეძლებისდაგვრად
დავდივარ - ბორდიურებზე
ვმკურნალობ - ალერგიას
ვერიდები- კონფლიქტებს
ვთამაშობ -sexy city-ს facebook-ზე :D
ვიტყუები - ბოლო დროს იშვიათად
ვეთაყვანები - არაფერს
ვაგროვებ - წიგნებს
ვიხდი - კოლგოტებს :E
ვეჭვიანობ - ისე რა..
“ვკაიფობ” - მურთაზებზე და ძველ ბიჭებზე
ვიზიდავ - მმმ... ))))))
ვალამაზებ - ცხოვრებას :):)

ვთაგავ Tiny, Picasso90, angeldilo, taa, abdaubda
Continue Reading...

A fine Frenzy


Alison Sudol a.k.a A Fine Frenzy არის ამერიკელი მომღერალი 24 წლის გოგო,რომელიც 2007 წლიდან მოღვაწეობს და ძალიან სასიამოვნო მუსიკას ქმნის :love:
დაიბადა 23 დეკემბერს, 1984 წელს სიეტლში, აშშ-ში. ძირიტადი მიმართულებებია ინდი/ალტერნატიული როკი... ელისონი თავად წერს სიმღერებს, უკვარს ფორტეპიანოსა და გიტარაზე...

აქვს ორი ალბომი
1.One Cell in the Sea 2007 წლის
2. Bomb in a Birdcage 2009 წლის

ძალიან საყვარელი გოგოა :love:



მისი პირველი ალბომი:
One Cell on the sea

Tracklisting
  1. Come On, Come Out
  2. The Minnow & The Trout
  3. Whisper
  4. You Picked Me
  5. Rangers
  6. Almost Lover
  7. Think of You
  8. Ashes and Wine
  9. Liar, Liar
  10. Last of Days
  11. Lifesize
  12. Near to You
  13. Hope for the Hopeless
  14. Borrowed Time
Continue Reading...

Tuesday, October 27, 2009

How to have a lovely day..




ზოგჯერ მშვენიერი დღის შექმნა ჩვენითაც შეგვიძლია, სასიხარულო სიურპრიზების გარეშე...
ამ პოსტში ჩამოგიყალიბებთ 10 მარტივ წესს,რომლის შესრულების შემდეგ, ერთი მშვენიერი დღე გარანტირებულია.. ( თუ, რა თქმა უნდა, რამე უბედურება არ დაგატყდათ თავს :D )

1. გაიღიმეთ... იარეთ გახსნილი შუბლით და გაუღიმეთ უცნობებსაც;
2. არ იჩქაროთ..ყველაფერი აკეთეთ მშვიდად და ხალისით;
3. ხშირად თქვით "მადლობა" ეს თქვენც და თქვენს გარშემომყოფთაც სასიამოვნო ატმოსფეროს შეუქმნის;
4. თქვით რაც შეიძლება ბევრი კომპლიმენტი... აღნიშნეთ, როგორ კოხტად ადგას ახალი ქვედაბოლო თქვენს მეგობარს, როგორ უხდება ეს ვარცხნილობა კოლეგას და ა.შ. :)
5. ჩაიცვით ნათელ, საყვარელ ფერებში, მაქსიმალურად კოხტად.
6. აუცილებლად დაიპკურეთ სუნამო;
7. იყავით ყურადღებიანი;
8. იცინეთ! იცინეთ! იცინეთ!
9. ეცადეთ, გაამხიარულოთ ხვებიც.. იუმორი ხომ თქვენი საუკეთესო თვისებაა! ( მე მჯერა:D)
10. უსურვეთ ყველას სასიამოვნო დღის გატარება..


თუ ვინმე გადაწყვეტს, დაუჯეროს ამ რჩევებს, ჩაატაროს ექსპერიმენტი, ჩემი დიდი თხოვნა იქნება, აუცილებად შემატყობინოს, თუ რამდენად გაამართლა : D
Continue Reading...

Saturday, October 24, 2009

თბილისში Open Air-ები მომრავლდა..


ოლო დროს ჩვენს დედაქალქში გახშირდა Open Air-ები.. ეს, რა თქმა უნდა, კარგია..საწინააღმდეგო არაფერი მაქვს... მაგრამ მხოლოდ ერთ მათგანზე ვიყავი წასული და ისიც სასტიკად ვინანე... აგვისტოში იყო, თუ არ ვცდები, Jem Open Air-ი დედა ენის ბაღში.
მეტალი არ მიყვარს, მხოლოდ ინტერესის გამო წავედი და უკმაყოფილო დავრჩი... მუსიკა არ მომეწონა, ორგანიზებულობითაც ვერ გამოირჩეოდა, ხალხი სრრული დიზასთერი იყო....
:უსერ:
ბედის ირონიით, სლემში მოვყევი.. ამ ფრიად ექსტრემალური ჩვეულების შესახებ მხოლოდ ყურმოკვრით ვიცოდი და ჩემთვის სრულიად მოულოდნელ დროს, როცა ბორდიურზე მშვიდად ვიჯექი, ვიღაც 5ჩემხელა დამეტაკა და წამაქცია :შ ხელი ისე სასტიკად გადავიტყავე, მთელი ღამე გამამწარა..
ამას გარდა უამრავი იდიოტური რეპლიკის მოსმენა მომიწია შორტის სიგრძის გამო ლოლ....


და თქვენ რას ფიქრობთ?ხშირად დადიხართ  Open air-ებზე??
Continue Reading...

Saturday, October 17, 2009

ყველაზე ვარდისფერი პოსტი

რამდენიმე წლის წინ ერთი ინდური ქალაქის, აურანგაბადის მმართველებმა მიიღეს ორიგინალური გადაწყვეტილება: ყველა მნნიშვნელოვანი შენობა გადაეღებათ ვარდისფრად. და მისი ხორცშესხმაც დაიწყეს. კითხვაზე, თუ რატომ დასჭირდა ინდოეთის ერთ-ერთ ყველაზე ღარიბულ დასახლებას ამდენი თანხის გაღება რაღაც გაუგებარ პროცედურებში, მათ მარტივად უპასუხეს: მათ სურდათ, 2 მილიონი მაცხოვრებლისთვის განწყობის ამაღლებული შექმნა, რომლებიც დაიღალნენ ამ ადგილას გამეფებული ძალადობით. უცნობია, ქალაქის თავებს კოლორისტიკა ჰქონდათ შესწავლილი თუ ინტიუიციამ უკარნახა,მაგრამ ჭეშმარიტება ერთია: ისინი არ ცდებოდნენ! ვარდისფერი ფერი მართლაც აწყნარებს, მშვიდობიან განწყობაზე აყენებს ადამიანს. აურაგაბადის მმართველები ამტკიცებენ, რომ ფერს ძალიან დიდი ზეგავლენა აქვს ადამიანის ცხოვრებაზე და საჭიროა, მეტი სიფრთხილით ავირჩიოთ გარემომცველი ფერთა გამა :)

ეს ფერი იშვიათად ასოცირდება რაიმე სერიოზულთან :D "ვარდისფეი სათვალე", "ვარდისფერი ოცნებები", "ბარბის ვარდისფერი სამყარო" - თითქოს ეს ფრაზები იმას მოწმობენ, რომ სერიოზულ ზრდასრულ ქალს ვარდისფერი არ შეეფერება, უფრო პატარა გოგონებისთვისაა. რეალურად კი რამდენიც გნებავთ იმდენი ქალის (ზოგჯერ მამაკაცისაც) გარდერობი არის სავსე ჟოლოსფერი ნივთებით. და მერე რა? ისინი მეოცნებე ადამიანები არიან, რომლებიც არ არიან რეალობას მოწყვეტილნი,მაგრამ აქვთ უფრო ლამაზი საკუთარი სამყაროც, სადაც უფრო ლაღად გრძნობენ თავს, ხოლო რეალობაში უფრო დაუცველობის შეგრძნება აქვთ. ისინი არიან შეუდარებლად თბილი ადამიანები, მზრუნველი მეგობრები,მაგრამ ძირითადად, მებრძოლი სულის ადამიანები არ არიან...

თითქმის ყოველთვის "მეოცნებეთა ფერი" მოქმედებს დამამშვიდებლად, რაც, გასაკვირია,რადგან მომდინარეობს ყველაზე ენერგიული ფერისგან, წითლისგან. მაგრამ მაინც, ზუსტად ვარდისფერი ფერით გვირჩევენ ფსიქოლოგები, მოვაწყოთ ოთახი ბავშვებისთვის, რადგან ასეთ ოთახში ყველაზე აგრესიული პატარაც კი შედარებით მშვიდი ხდება.. იგივეა უფროსი ასაკის ადამიანებისთვისაც. თუმცა რეკომენდირებულია, მოზრდილებმა მარტო ამ ფერში არ მოაწყონ ინტერიერი, შეიტანონ სხვა ფერის შტრიხებიც, რადგან ზედმეტმა ვარდისფერმა შეიძლება აპათია გამოიწვიოს

ისე კი, ქალებისთვის სასურველია, შეიტანონ ხოლმე ვარდისფერი შტრიხები ჩაცმულობაში.. და თუ თქვენ არ მოგწონთ ტრადიციული თეთრი საქორწინო კაბა, თამამად შეიკერეთ ნაზი ფერის ვარდისფერი , ის თქვენ ძალიან მოგიხდებათ! :)

აი, მე ნამდვილი Pink Addict-ი ვარ :D ჩემს გარდერობში 60% ვარდისფერია...
ვარდისფერი თაროები და უჯრებიც მაქვს კარადაში :D




ძალიან მიყვარს ჩემი ვარდისფერი ყულაბა, რომელიც 5 წლის ვიყავი, "თოვლის ბაბუამ" რომ მაჩუქა.


ესეც ჩემი ვარდისფერი სურათის ჩარჩო..

ვარდისფერი დღიური :X

ღია ვარდისფერი ოთახი :)
Continue Reading...

Friday, October 16, 2009

Letters.. (1)


ჩვენზე რომ ვფიქრობ, ასე მგონია, ორივე არანორმალურები ვართ, იმიტომ რომ ჩვენი ურთიერთობა თავიდან ბოლომდე არანორმალურია: ) აქამდე ყოველთვის ვუკრძალავდი ჩემს თავს გამეკეთებინა დაუფქრებელი საქციელი, გამომდიოდა, ყოველ შემთხვევაში, ბიჭთან ურთიერთობაში ყოველთვის. როცა მინდოდა,, ძალიან მარტივად ვთოკავდი ემოციებს. მაგრამ
Continue Reading...

პარიზის ყოველწლიური შოკოლადის ბაზრობა



პარიზში ყოველწლიური შოკოლადის ბაზრობა დაიწყო :D, რომელიც 13-დან 18 ოქტომბრამდე გასტანს. აქ მსოფლიოს მასშტაბით 140 კომპანია ღებულობს მონაწილეობას და წარადგენს თავის პროდუქციას. .
Continue Reading...

Last.fm - მელომანების ვირტუალური სამოთხე

The Social music Revolution





წარმოუდგენელია დღე მუსიკის გარეშე... ერთგვარი კატალიზატორია საყვარელი სიმღერის, შემსრულებლის თუ ალბომის მოსმენა. დაახლოებით ერთი წლის წინ აღმოვაჩინე ამჟამად ჩემი უსაყვარლესი მუსიკალური ქომიუნითი ლასთ ეFემი...
Continue Reading...

Sunday, October 11, 2009

Ten Best Dressed Teens

ჟურნალმა "Teen Vogue-მ" გამოაქვეყნა სექტემბრის თვის 10 ყველაზე გემოვნებიანად ჩაცმული თინეიჯერი გოგო. მაშ ასე:


#1




Who:
Emma Watson

Wore: Burberry

Where: The Burberry After Party, London

When:
September 22, 2009


#2


Who: Taylor Swift

Wore: Kaufman Franco dress with Lorraine Schwartz jewels

Where: The MTV Video Music Awards, New York

When: September 13, 2009


#3

Who:
Leighton Meester

Wore: Bottega Veneta dress and clutch, Roger Vivier shoes and Cathy Waterman jewels

Where:
The Emmy Awards, Los Angeles

When:
September 29, 2009

#4


Who:
Keke Palmer

Wore:
D&G

Where:
Teen Vogue's Young Hollywood Party, Los Angeles

When: September 25, 2009
Continue Reading...

Saturday, October 10, 2009

ბიზნესის სკოლა (ESM) learn to fly higher




1992 წელს ESM-Avignon-ის პარტნიორობით თბილისში დაარსდა ბიზნესის სკოლა - ESM თბილისი. იგი არის ერთ-ერთ პირველი კერძო უმაღლესი სასწავლებელი საქართველოში, რომელიც ორიენტირებულია მენეჯმენტის განვითარებაზე სხვადასხვა ეკონომიკურ სექტორში. იმავე წელს სკოლა გახდა ევროპის სკოლათა ფედერაციის (FEDE) წევრი და გაიხსნა ბიზნესის მართვის პროგრამა, რომელიც სტუდენტებს ბიზნესის ადმინისტრირების ბაკალავრის ხარისხს ანიჭებს.
Continue Reading...

"მზესუმზირები"




ეს თინეიჯერული გაერთიანება 2008 წელს შეიქმნა თინეიჯერულ ფორუმზე. მას მერე 5 აქცია ჩატარდა, ორ მათგანში მეც მივიღე მონაწილეობა.. :D

"ჩვენ ვართ მზესუმზირები-ახალგაზრდული ორგანიზაცია, რომელიც შექმნილია ახალგაზრდეებისვე ცხოვრების შესალამაზებლად. თითოეული ადამიანის ცხოვრებაში არის რუტინა, ჩვენ ვცდილობთ არ ჩავეფლოთ რუტინაში, რისთვისაც დაახლოებიტ თვეში ერთხელ ვაწყობთ სხვადასხვა სახის აქციებს. .ხანდახან ცხოვრება რა მშვენიერია არა?, ცხოვრება ყოველვის მშვენიერია, უბრალოდ ამას ყოველთვის ვერ ვამჩნევთო. სწორედ ეს გახდა ჩვენი დევიზი. ცხოვრება მართლაც მშვენიერია, და ჩვენ ვეცდებით ეს თქვენც დაგანახოთ."



ორგანიზატორი: nia
მოადგილე:anuchi
მოადგილე: rubber-soul

მოწყობილი აქციები:

9 ნოემბერი (2008) -"free hugs"
1 მარტი (2009)- "ბუშტების დღე"
5 აპრილი (2009) - "ჩაანაცვლეთ სიგარეტი ჩუპა-ჩუპსით"
3 მაისი (2009) - "ასფალტზე მოხატვის დღე"
14 ივლისი (2009) -"პოეზიის საღამო"


უფრო დაწვრილებით ბლოგზე

Bwhaha it's me :D on the right :P


Continue Reading...

Thursday, September 10, 2009

დიდი ცვლილებები

მოგესალმებით ყველას :) გადაწყვიტე, ჩემი ბლოგი პირადი ბლოგის ნაცვლად გადავაქციო თინეიჯერულ ბლოგად, სადაც დავწერ მოზარდებისთვის საინტერესო სიახლეებს, ვისაუბრებ აქტუალურ თემებზე, გამოვაქვეყნებ ცემს თანამოასაკეთა ნაშრომებს (პროზაში, პოეზიაში,მხატვრობაში, ფოტოგრაფიაში და ა.შ. ) იმედი მაქვს, წარმატებული გამოვა. ამიერიდან უფრო მეტ დროს დავუთმობ ბლოგს ! :)


მისურვეთ წარმატება :D
Continue Reading...

Sunday, August 23, 2009

ფრანგული ენის დიპლომი "DELF-DALF"





"დილFის" გამოცდა ფრანგულ ენაში ტარდება და როგორც ვიცი, 6 დონეა. პირველი , ყველაზე მარტივი, A1, მერე A2, B1, B2, C1,C2.. ვინმეს ჩაგიბარებიათ ეს გამოცდა? მე ჩავაბარე მაისში A1 და ნოემბერში A2-ის გამოტოვებით B1-ის გამოცდაზე უნდა გავიდე ( თუ ავიღე, A1-ც მეთვლება)

Continue Reading...

საჩუქრები ბიჭისთვის :)




საჩუქრის ჩუქნა საყვარელი ადამიანისთვის ყოველთვის პრობლემაა. გვსურს , ვიყოთ ორიგინალურები, ყურადღებიანები, გავახაროთ სასიამოვნო საჩუქრით, მაგრამ რთული საქმეა, მით უმეტეს, როცა გოგოები ვარჩევთ საჩუქარს ბიჭისთვის... ნუ, ბიჭი თუ ვერაფერს მოიფიქრებს, სუნამოს და ყვავილებს მაინც უყიდის საყვარელ ქალს ან მეგობარს.. :D ჩვენ კი... მინდა შემოგთავაზოთ ბიჭებისთვის საჩუქრების რამდენინმე იდეა :) იმედია გამოგადგებათ :D

1. ვერცხლის ბეჭედი.


რაიმე სადა , სუფთა ვერცხლის ბეჭედი , ჩემი აზრით, კარგი საჩუქარი იქნება. თან მუდამ ხელზე ეკეთება და ყოველთვის შენ გაახსენდები, როცა თვალში მოხვდება :D

2. საფულე.

მე ჩემს მეგობარს ვაჩუქე დაბადების დღეზე და ძალიან გამოადგა. შეგიძლიათ მომბაძოთ :)

3. დიდი პოსტერი.

რატომღაც ეს იდეა ძალიან მომწონს... შეუკვეთეთ ძალიან დიდი პოსტერი საყვარელი სელებრითის გამოსახულებით და დარწმუნებული ვარ, გაახარებთ მეგობარს, ან შეყვარებულისთვის იდეალური იქნება, გააკეთოთ უზარმაზარი ზომის ფოტო,რომელზეც თქვენ და ის ხართ აღბეჭდილები :D

4. ფოტოალბომი.

უბრალო ფოტოალბომი კი არა! :D შეყვარებულისთვის შესაძლებელია გააკეთოთ ალბომი, რომელიც თქვენი ფოტოებით იქნება სავსე და რამე ლამაზი წარწერებით დაამშვენოთ , მეგობრისთვსაც შეიძლება ანალოგიური , ახლო სამეგობრო წრის ფოტოებით :)

5. საათი.


რამე გემოვნებიანი დიზაინის საათი მშვენიერი საჩუქარია, თუ ფინანსები გყოფნით, ცნობილი ბრენდის საათს თუ აჩუქებთ, ამას რა სჯობს :)

6. სასმელი.


იშVიათი და ძვირიანი სასმელის თუნდაც ერთი ბოთლი გადასარევი საჩუქარია ბიჭისთვის... იმჰო.. :D


პ.ს. აუცილებლად დაწერეთ, რომელი იდეა მოგეწონათ :)
Continue Reading...

Saturday, August 22, 2009

ფრენისთვის...

ის დღე არაფრით გამიორჩეოდა სხვებისგან. რიჟრაჟისთანავე ჩემმა ტვინის ხვეულებმა სიგნალი მომცეს, რომ გაღვიძების ჟამმა მოაწია. რაკი სხვა გზა არ მქონდა, წამოვწიე თავი და ჯინსებში წავყავი ფეხი, თხელი მაისური გადავიცვი, ზურგჩნთა მოვიგდე, ყურსასმენები გავირჭე ყურში და ოჯახის წევრებისთვის ხმის გაუცემლად გავყევი სკოლის მრავალგზის გავლილ გზას, რომელიც იმდენად მომყირჭდა, მზად ვიყავი სხვა ქუჩებით მევლო და მარშრუტი დამეგრძელებინა...არა რა, რა მაგარი იქნებოდა ახლა ესპანეთში! სადმე ღია ცის ქვეშ, ჩემს ესპანელ მეგობრებთან ერთად ვიჯდე, გიტარაზე აწყობულ ესპანურ ცეცხლოვან მელოდიებს ვუსმენდე...მერე ეგ ცეცხლი ჩემს თვალებში აირეკლებოდა , ჩემი თვალებიდან კი - ცაზე და ვარსკვლავებად გამოჩნდებოდა... ნელი სიო დაუბერავდა, ჩემი დატალღული თმის ბოლოებს აშლიდა და ალერსიანი შეყვარებულივით ნაზად მომეფერებოდა ტუჩებზე...
ვინ გაცდის ოცნებას, ჩემმა ძმაკაცი შემაჯანჯღარა და საოცარი აღტყინებით მკითხა:
- უყურე გუშინ "ჩეს"? ( ოოოოხ, დათო შენი დაგეტოვებინე ჩემს ესპანეთში)
- აა,იმას, ჩე გევარაზეა რომაა? ბენისიო დელ ტორო თამაშობს ხოომ?
- კი, კი, ეგა. არ უყურე?
უკვე მეორე კვირა იყო, რაც ამ ფილმით ტვინს ბურღავდა...აი, მე არადა ცალ ფეხზე მეკიდა ეგ კუბელი ექიმი.
- ხოო...რავიცი...რას შვები შენ?
- რავიცი, ძმამ თხილამურები უნდა ჩამომიტანოს მალე გერმანიიდან...
- ვა, შენ რა მაგარი ძმა გყავს, ამას წინად ტამტამიც ხომ გაჩუქა
მეც მინდა ასეთი დედმამიშვილი...მაგრამ ძმა საერთოდ არ მყავს..დედაჩემს თავის შეწუხება აღარ უნდოდა.. თორემ რა იცი, რა ხდება, იქნებ ჩემი ძმა ესპანეთში წასულიყო საწავლებლად, ვინ იცის...


კლასში შევედი, ჩემს მერხთან ბიჭების ბირჟა ბუზღუნით დავშალე და კუთვნილი ადგილი დავიკავე. ჩანთიდან ჩემი საყვარელი ბლოკნოტი ამოვიტანე. თითქმის ჩემი ყველა ოცნება დანაკუწებულ-დაჭრილი აქ იყრიდა თავს... ეს 40 ფურცელი ჩემი პატარა ესპაენთს წარმოადგენდა... ალერსიანი თვალებით გადავშალე პირველი გვერდი, აი,ისეთი მზერით, ჩვილ ბავშვს რომ დასქცერის ახალბედა დედა, თან რომ ეშინია, არ გავაღვიძოო...უცებ ყველაფერი აბრჭყვიალდა, დაბზრიალდა, ერთმანეთში აირია და აიგლისა...გონს რომ მოვეგე, სახეზე ხელები მქონდა აფარებული, რაღაც გრილსა და რბილზე ვიწექი... ხელები რომ ჩავწიე, კვეთრმა ნათებამ მომჭრა თვალი... მზე იყო. წამოვდექი. ირგვლივ სიმწვანე და მთები გახლდათ...ტბის პირას ვიდექი. ნაპირთან ახლოს დიდი ქვა ეგდო, ცალი ფეხით შევახტი და მზერა მიმოვატარე ლანდშაფტს. ნამდვილად ის არის! კოვანდონგას ტბა. საიდან ვიცანი? ჩემს ბლოკოტში ზუსტად ეგ სურათი მეკრო პირველ გვერდზე... ჩემდა უნებურად გამეღიმა. ხელებით ღვთაებრივ სითხეს შევეხე, კოვადონგას წყალს! მერე ეგ სითხე ჩემს ტუჩებს, თვალებს და შუბლსაც ვაზიარე...
მსუბუქი სირბილით ბილიკს გავყევი და მალე ტრასამდეც მივაღწიე. მალე ალვარო გამოივლის, ჩემი მამობილი ქალაქიდან სოფელში მოდის... აი, უკვე ვხედავ მის ლურჯ მანქანას... ჩვეული ღიმილით ხელს მიქნევს და თავს ჰყოფს მანქანიდან:
- ¿cómo está usted, mi querido
- muy feliz papá y tú?
- He te espera desde hace mucho tiempo querida
- ahora estamos juntos
სიხარულისგან ღიმილი მაქსიმალურად მეწელება სახეზე... მამობილს ვეხუტები და წინა სკამზე ვთავსდები
- ესტელა ჩვენს თეთრ სახლში გველოდება, ჩემო გოგონა! ძალიან დიდხანს გვალოდინე, 17 წელს ეხუმრები?
სიამოვნებისგან თვალებს ვხუჭავ და ხარბად ვისუნთავ ცხელ ჰაერს.


მალევე შევედით სოფელში. აქ იცით როგორი გზებია? ვიწრო, ქვაფენილებით მოკირწყლული და აღმართ-დაღმართოვანი. ქვებით ნაგები სახლებია ჩამწკრივებული ძალიან კოხტად... სოფლის სიღრმეში, ერთ პატარა,მაგრამ ძალიან ლამაზი სახლი დავლანდე. რა თქმა უნდა, მაშინვე ვიცანი. ამ სახლში ხომ მე, ალვარო და ესტელა ვცხოვრობთ. ახლა ესტელა ალბათ სამზარეულოში დგას, საყვარელ მელოდიას ღიღინებს და პაელას ამზადებს. იცის, რომ ეგ ჩემი საყვარელი კერძია, თანაც მსოფლიოში ვერავინ ამზადებს პაელას ესტელაზე გემრიელად, იმიტომ რომ ორივეს ერთი სამშობლო აქვთ, ეს ვალენსიაა. ალვარო მანქანას ამუხრუჭებს თეთრ ჯებირთან, მე მსუბუქად ვაწვები თეთრ გალავანს და ეზოში შევდივარ. 3 წლის რომ ვიყავი, ესტელამ აქ ბევრი პალმის ხე დარგო, ერთი ტერასასთან, ერთი კართან, დანარჩენები მთელ ეზოშია მიმმოფანტული. არ მომიტყუებიხართ, ჩვენი სახლი მართლა ლამაზია. კედლები თეთრია, სანახევროდ ქვისაა, სანახევროდ - შელესილი. ვარდისფრად შეღებილ ფანჯარას ღია ცისფერი ფარდები ლამაზად ეხამება , ფანჯრის ქვეშ დიდი ქოთანი დგას და შიგ ყვავილებიანი კატქუსი გაუხარებია ესტელას. სახლის თეთრ თაღებზე წვრილად მიიკლაკნებიან სუროს ფოთლები , იქვე საქანელა დგას... სახლის წინ აუზია, ცისფერი კედლებით , კუთხეებში დიდი საყვავილეები დგას... ჩემი საყვარელი შეზლონგი უცვლელად მხვდება.
ესტელამ როგორც ჩანს, კარის ჭრიალის ხმა გაიგო, ჩემთან მოირბინა და გულში ჩამიხუტა
- როგროც იქნა, როგორც იქნა, ჩემო გოგო!
მინდოდა, რამე მეთქვა...რამე კი არა, ძალიან ბევრი რაღაც მსურდა , მაგრამ სიხარულის ცრემლებმა ლაპარაკის უნარი წამართვეს, თავი ესტელას თბილ მკერდს მივადე და ისე ავქვითინდი, 5 წლის გოგო რომ ატირდება ხელიდან დავარდნილი ნაყინის გამო. ესტელა თითებს თმაში მიცურებდა და ნაზად მკოცნიდა თავზე. დედობრივი სიყვარული სუნი მძაფრად მცემდა და ნესტოები სიამოვნებისგან მებერებოდა. ალვარო შეუმჩნევლად მოგვეპარა, ხელი მოგვხვია და ოთახში შეგვიძღვა.
ესტელა პაელას მიუბრუნდა, დროდადრო ალერსია მზერას აპარებდა ჩემკენ, ალვარო საქმიანად ეძებდა კასეტას.
- აი,ვიპოვე, ჩვენი ქორწილის ვიდეო, - სახე გაუნათდა მამობილს.
- როგორ მაინტერესებს, ჩართე რა! - ვთხოვე.
ესტელამ გაიცინა და ისე აიქნია ხელი, კახელმა გლეხის ქალებმა რომ იციან.
ეკრანზე კადრები გამოჩნდა. ფართო მოედანი, ხალხით სავსე... გრძელი , ოვალური კიბე და კიბის წინ შადრევანი.. მაღლა ტაძარი მოჩანს... ესტელას ოქროსფერი თმა გორგალივით აუხვევია და დაუმაგრებია, სადა, მაგრამ ლამაზი თეთრი კაბა აცვია..ალვაროს მისი ხელი მუჭში აქვს მომწყვდეული და სიყვარულით სავსე თვალებით შესქცერის... ისეტი ამინდია, ისეთი ღრუბლები, ფრენას მოგანდომებს...ესტელაც ისეთი ჰაეროვანია,თითქოს ეს-ესაა, მაღლა აიწევსო. ვუყურებ ამ კადრს, მოჯადოებულივით ვარ..თითქოს ტრანსში..პაელას სურნელი, ესტელას ღიღინი,ალვაროს ჩემს მხარზე ჩამოდებული თავი და მათი ქორწილის კადრი რაღაც საოცარ სინთეზს ქმნის...

უცებ ზურგზე ვიღაცის ხელი მეხება. ეს ვინღაა?

- ეეეეე,სად დაფრინავ, ზარი დაირეკაა, იუჰუუუუ, კიდევ რამდენ ხანს უნდა უყურო მაგ ბლოკნოტს? - დათო ჩამყვირის ყურში...
- აუ, შემეშვი რა! ფრენა არა კონგლომერატი, დამანებე თავი!- შევუბღვირე ჩემს მტერს
- ჰო კაი, უი იმ teen.ge-ლმა გიორგიმ დაგისკანერა ეგ ფოტო, ვიღაცის ქორწილი როა გადაღებული სადღაც კიბეებთან, რაში გინდოდა ისე?
- ფრენისთვის...
Continue Reading...

ჩვენს პატარას სცივა..

ჩვენს პატარას ცივა.
დილის 5 საათია, ცას სანახევროდ ვარდისფერი შეეღვარა. თხელი მოსასხამი შემოვიცვი და აივანზე გავედი. იდაყვები მოაჯირს დავაყრდენი, თავი გადავხარე, მარცხენა თვალთან ჩამოყრილი თმა მარჯვენა ხელით გავისწორე და შენ გადმოგხედე. ისევ მშვიდად წევხარ ლოგინში, ნათურის შუქი შენს შუბლს ანათებს. საწოლთან კოხტად ჩალაგებული ჩემოდანი დევს , ზიზღით შევხედე. საერთოდ, გიყვარს სიკოხტავე, ჩემსავით. ოთახშიც ყველაფერი მოწესრიგებულია, წიგნების გარდა... სად, რომელ კუნჭულში არ ნახავს კაცი მომეფანტულ წიგნებს.. გახსოვს, ალბათ, როგორ გვიყვარდა ლამაზი ყვავილების მოძებნა და მერე მათი გახმობა. წიგნებში იმ ფურცლებს შორის ვდებდით ხოლმე, რომლებზეც დაბეჭდილი სტრიქონები ყველაზე მეტად გვამახსოვრდებოდა. ახლაც იმ გამხმარ ყვავილებს ვეძებდი, ყველა წიგნი გადავქექე, რომ მეპოვნა..თითქმის ყველა ვნახე...თითქმის.

ჩვენს პატარას ცივა.
მუცელზე მჭიდროდ შემოვიხვიე ხელები,რომ გავათბო. შენც ასე მხვევდი ხოლმე ხელებს იქამდე... იქამდე სანამ ის გამოჩნდებოდა და ჩვენს ბავშვს თავის კუთვნილ სითბოს წაართმევდა. გახსოვს, როგორ ვიხსედით ამ აივანზე? მე შენს მხარზე ჩამოვდებდი თავს, შენ მუცელზე შემომაწყობდი თითებს , ჩემი თმის ბოლოებს კბილებში მოიქცევდი და უაზროდ ბევრს მეტიტინებოდი, როგორ ააგებდა ჩვენი პატარა პლასტმასის სათლებით ქვიშის კოშკებს, როგორ მოირბენდა ატირებული და ბუნჩულა თითებით გაკაწრულ მუხლს როგორ დაიფარავდა, როგორ ჩაბღუჯავდა ორივე ხელით ბამბის კანფეტს, როგორ მიუსკუპდებოდა გაბადრული სახით მერხს პირველ სექტემბერს.. მე მეღიმებოდა ხოლმე და თმას გიჩეჩავდი, შენი ხასიათივით ურჩ თმას.


ჩვენს პატარას ცივა.
გუშინ რომ გამომიცხადე, სახლიდან მივდივარო, გული შემეკუმშა. საწოლის კიდეზე ჩამოვჯექი და თავი ჩავღუნე. ვერაფერი გითხარი, ვერაფერი, იმიტომ რომ თავში აზრები არ მომდიოდა. მხოლოდ სიკვდილზე ვფიქრობდი, ბოლოს ისევ შენ გამომაფხიზლე, თავზე ხელი გადამისვი და პატიება მთხოვე. მერე ჩემოდანს დაავლე ხელი. აი,მახსენდება და ცრემლი დაუკითხავად , ცელქი ბავშვივით მორბის ჩემს ლოყაზე. მაგრამ არ ვიტირებ. შენ ისევ აქ ხარ , აღარ წახვალ. რატომღაც ახლა მომინდა, დაგხატო. შავ კალამს ვიღებ და შენი გამოსახულება ფურცელზე გადამაქვს. ისეთი აღგბეჭდე, შენ რომ ხატავდი ანიმეს გმირებს.

ჩვენს პატარას ცივა.
სულ მალე..სულ მალე მოევლიება ამ სამყაროს. იცი,ექიმმა თქვა, სამ დღეშიო. რა კარგია, რომ არ გაგიშვი, რომ აქ ხარ. სამი დღეც და მე,შენ და ჩვენი პატარა ერთად გავფრინდებით. იქ, სადაც არ არის სიცივე, იქ, სადაც ბევრი ლამაზი ყვავილია, იქ, სადაც ჩვენი პატარა ხშირად გაიცინებს, შენ ხშირად მოიმწყვდევ ჩემი თმის ბოლოებს კბილებშუა მე კი ხშირად აგიჩეჩავ თმას. ცივი დილაა, ისეთი ცივი, როგორიც ჩემ მიერ ჩარჭობილი დანა შენს გულში...

ჩვენს პატარას ცივა.



Continue Reading...

Tuesday, May 12, 2009

10 ოქროს წესი, ლამაზი და ჯანმრთელი თმისთვის ;;)


1. არ დაიბანოთ თმა კვირაში ორზე მეტჯერ.
2. სანამ თმის დაყენებას შეუდგებით, ჯერ კარგად გააშრეთ.
3. გააშრეთ თმა იმ მიმართულების საპირისპიროდ, საითაც იზრდება.
4. შამპუნი, რომელსაც ხმარობს, ზედმეტად არ უნდა აქაფდეს - თუ ასე ხდება, ე.ი. შემადგენელი კომპონენტები თმას დააზიანებს. ( o_O )
5. თმის წყლით გამობანვის პროცესი ოთხჯერ ხანგრძლივი უნდა იყოს შამპუნით დაბანისაზე.
6. ფენი გამოიყენეთ მინიმალურად, ან რაც შეიძლება დაბალი სიმძლავრით
7. არ დაივარცხნოთ თმა, როცა სველია.
8. გაიკეთეთ თავის კანის მასაჟი
9. თუ თმას გაიშრობთ თავდაღმა ჩამოვარცხნილს, უკეთ დადგება.
10. ტმის მუსების და ეგეთი რაღაცეების წასსმისას ფიქსატორი დაიკავეთ თმიდან 15 სანტიმეტრის მოშორებით.
Continue Reading...

Monday, April 27, 2009

დაწვი კალორიები!

3 სასარგებლო რჩევა ნივთიერებათა ცვლის გასაძლიერებლად:

1. უპირატესობა მიანიჭეთ მწვანე ჩაის

ჟენევის ერთ-ერთ კვლევით ინსტიტუტში ასეთი დასვკნა გამოიტანეს: მწვანე ჩაის ყოველდღიური სმა მეტაბოლიზმის (ნივთიერებათა ცვლის) გაუმჯობესებას იწვევს. ყველაფერი კი იმის წყალობით ხდება, რომ მწვანე ჩაიში შემავალი კომპონენტები ხელს უწყობენ ჟანგვით რეაქციებსა და ცხიმის დაშლას.


2. გააძლიერეთ კარდიო დატვირთვა


სამეცნიერო კვლევების თანახმად, აქტიური ფიზიკური დატვირთვის, განსაკუთრებით კი კარდიოვარჯიშის შემდეგ მეტაბოლიზმი ძლიერდება. ეს იმას ნიშნავს, რომ რაც უფრო ინტენსიურად ივარჯიშებ კარდიოტრენაჟორებზე, მით მეტი დროა საჭირო იმისთვის, მეტაბოლიზმი დაქვეითდეს.

3. უარი არ თქვათ ცხარეზე

ზოგიერთი სანელებელი და წიწაკა შეიცავს კაპსაიცინს, რომელიც ნივთიერებათა ცვლას აუმჯობესებს და ჯანმრთელობის შენარჩუნებას უწყობს ხელს. ამიტომ ნუ იტყვით საგულდაგულოდ შეკმაზულ საკვებზე, აჯიკასა და ცხარე კეტჩუპზე!
Continue Reading...

ანტუან დე სენტ-ეკზიუპერი და მე

ბავშვობა ცხოვრების საუკეთესო ხანაა, რომლის შენარჩუნება უნდა ეცადოს ადამიანმა თავის სულში. ეს შეძლო ფრანგმა მწერალმა და პილოტმა ანტუან დე სენტ-ეკზიუპერმა. იგი იყო პიროვნება, რომელიც თავის მსგავსს ეძებდა, ისეთს, რომელიც შინაგანად ბავშვი გახლდათ. მაქსიმ გორკის ცნობილი ფრაზას მინდა, რომ დავესესხო “ბავშვები დედამიწის ცოცხალი ყვავილებია”. ისინი ყველგან და ყოველთვის ეძებენ სილამაზეს და არა - მატერიალურ ფასეულობებს. ასევე იქცეოდა ეკზიუპერიც. ის თავის მოთხრობაში “პატარა უფლისწული” ამბობს,რომ ადამიანებს მოსწონთ სახლი, თუ ის ძვირადღირებულია, მაგრამ ლამაზი ყვავილებით მორთულობა მათთვის ფასეულობას არ წარმოადგენს. ეკზიუპერი ადამიანებს აფასებდა არა ფინანსური და სოციალური მდგომარეობით, არამედ იმით, თუ რამდენად ნათელი გონების პატრონები იყვნენ ისინი. ამ პიროვნების “ბავშვური” ხასიათი მასში ისეთ თვისებებს წარმოშობს, როგორიცაა გულახდილობა, მიამიტობა, გულკეთილობა, სილამაზისკენ სწრაფვა. ეკზიუპერი ხედავდა ცხოვრებით გაუხეშებული ადამიანებისთვის დაფარულს, იმას, რასაც მხოლოდ ბავშვები შეიცნობენ..


სხვა “დიდები” ყველაფერს მარტოოდენ თვალებით უცქერიან და არა გულით. მათთვის უცხოა ის სიწრფელე, რაც აქვთ ბავშვებს. ისინი რთულად, მძიმედ ცხოვრობენ და მატერიალურ პრობლემებში არიან ჩაძირულნი. ადამიანები საკუთარ თავში კარგავენ იმ ბავშვს, რომელმაც ისინი ბედნიერებამდე უნდა მიიყვანოს. მოთხრობის სხვა პერსონაჟები გულს უხურავენ სიყვარულს, გულწრფელობას, ამიტომ ხდებიან ასეთი გულქვები და მატერიალისტები.

ადამიანთა ორი ტიპის ჩვენებით ავტორს სურდა ეთქვა, რომ ადამიანებისთვის მთავარი უნდა იყოს სიყვარული, მეგობრობა, სილამაზე… საჭიროა, ერთმანეთს ისე დავუახლოვდეთ და ვემეგობროთ, როგორც ამას ბავშვები აკეთებენ. ყველაზე ღირებული ამ სამყაროში არის სითბოსა და სიყვარულის გაზიარება.
Continue Reading...

10 ყველაზე პოპულარული ქალური პროფესია საქართველოში

1. პიარ მენეჯერი 


მიუხედავად იმისა, რომ ეს პროფესია ახალია, მას უკვე ბევრი "მიმდევარი" გამოუჩნდა. დღეს პრაქტიკულად ვერ იპოვი ვერც ერთ ყველაზე პატარა კერძო ფირმასაც კი, რომელსაც საკუთარი პიარ მენეჯერი არ ჰყავს.
ამ პროფესიის ადამიანს, როგორც წესი, კომუნიკაბელურობა, ენერგიულობა და უცხო ენების ცოდნა მოეთხოვება.
რაც შეეხება ანაზღაურებას, დღეისთვის საქართველოში პიარ მენეჯერის ხელფასი 500-2000 ლარამდე მერყეობს გამოცდილებისა და სამუშაო ადგილის გათვალისწინებით.

2. ჟურნალისტი

ამ პროფესიის ლიდერთა სამეულში მოხვედრა დღეს საქართველოში ინფორმაციაზე არსებულმა საოცარმა მოთხოვნილებამ განაპირობა. ამჟამად ჩვენს ქვეყანაში რამდენიმე სერიოზული ტელეკომპანია, უფრო მეტი რადიო და კიდევ უფრო მეტი ჟურნალ-გაზეთია. შესაბამისად, ზემოთ ჩამოთვლილ სამსახურებში ყოველთვის სჭირდებათ განათლებული, ნიჭიერი, ობიექტური და ოპერატიული ჟურნალისტები.
ჟურნალისტების ხელფასი 200-დან 2000 ლარამდე გახლავთ. ტელეჟურნალისტის ხელმასი პრესისა და რადიოს ჟურნალისტის ხელფასთან შედარებით დაახლოებით 2-3 ჯერ მეტია.

3. მოდელი


მიუხედავად იმისა, რომ თინეიჯერულ ასაკში თითქმის ყველა გოგონა მოდელის თავბრუდამხვევ კარიერაზე ოცნებობს, სამწუხაროდ, ეს ის პროფესიაა, რომელის შესასწავლადაც მარტო მონდომება არ კმარა. ამ შემთხევაში გადამწყვეტ როლს მაინც გარეგნობა ასრულებს. 
მართალია, დღეს საქართველოში დამწყები მოდელი ამ პროფესიით თავს ვერ ირჩენს, მაგრამ გამოცდილ მოდელებს ერთ ჩვენებაში დაახლოებით 150-200 ლარს უხდიან მისი პროფესიონალიზმისა და პოპულარობის გათვალისწინებით.

4. ტანსაცმლის დიზაინერი



თბილისში დიზაინერის პროფესია არათუ პოპულარული, არამედ ყველაზე მოდურიც იყო. კვირა არ გავა, რომელიმე რესტორანში ან კლუბში რომელიმე დიზაინერის ჩვენება არ გაიმართოს. გარდა სპეციფიკური განათლებისა, ამ პროფესიის ადამიანებს გემოვნება და მსოფლიო მოდის ტენდენციების ცოდნაც მოეთხოვებათ. რაც შეეხება ანაზღაურებას, პირველ ეტაპზე ამაზე ოცნებაც არ ღირს. რადგან თავიდან ხარჯი უფრო მეტია, ვიდრე შემოსავალი. თუმცა წარმატების შემთხვევაში სიტუაცია რადიკალურად იცვლება. 

5. ფსიქოლოგი



დღეს ამ პროფესიის ადამიანებზე საკმაოდ დიდი მოთხოვნილებაა. მათი ერთი ნაწიილი - ფსიქოთერაპევტები დღევანდელი ,ზედმეტად აქტიური ცხოვრებით აღგზნებულ ადამიანებს ამშვიდებს. ხოლო მეორე - ატარებს სხვადასხვა სახის კვლევას, მონაწილეეობს კადრების შერჩევაში, მუსაობს უკვე შერჩეულ კადრებთან და ა.შ. მინიმუმ ერთი ფსიქოლოგი ასევე თითოეულ საშუალო სკოლას და ხშირ შემთხვევაში სხვა სასწავლო დაწესებულებებსაც ჰყავს. ფსიქოთერაპევტთან ერთი ვიზიტი დაახლოებით 40-50 ლარი ღირს, ხოლო რაც შეეხება ორგანიზაციულ კვლევებში ჩართულ ფსიქოლოგებს, მათი ანაზღაურება ძირითადად დამქირავებელთან არის შეთანხმებული.

6. ადვოკატი

ამ პროფესიას, როგორც წესი, მოწესრიგებული, განათლებული და დისციპლინირებული გოგონები ირჩევენ, რომლებიც ყოველთვის მზად არიან კრიტიკისთვის, თავდაცვისთვის და თუ საჭიროა, თავდასხმისთვისაც. დღეს, რა თქმა უნდა, ყველა სამთავრობო და არასამთავრობო ორგანიზაციას საკუთარი ადვოკატი ჰყავს.
სამოქალაქო და ადმინისტრაციულ საქმეთა ადვოკატის ხელფასი დაახლოებით 700-დან 3000 ლარამდე მერწყეობს. რაც შეეხება სისხლის სამართლის ადვოკატს, მისი ანაზღაურება მთლიანად ჰონორარზე, ანუ კონკრეტულ საქმეზე დაცვის ქვეშ მყოფთან შეთანხმებაზეა დამოკიდებული

7. მსახიობი
ეს პროფესია განსაკუთრებულ ნიჭს მოითხოვს. იმ შემთხვევაშიც კი, თუ მსახიობი ნიჭიერია, ეს საკმარისი არ არის. მას გამართლებაც სჭირდება. იქნებ სწორედ ამიტომ თეატრალური ინსტიტუტის კურსდამთავრებულთა მხოლოდ ნახევარი თუ ახერხებს თავისი პროფესიით მუშაობას.
რაც შეეხება ანაზღაურებას, იმის გათვალისწინებით, რომ დღეს ქართული კინო და თეატრი, სამწუხაროდ, თავისი განვითარების მწვერვალზე არ არის, მსახიობის შემოსავალს ძირითადად რეკლამები და სატელევიზიო სერიალები განსაზღვრავს. ამის გამო კონკრეტული თანხის დაზუსტება ძნელია.

8. ფინანსისტი ( ცემი მომავალი პროფესია :D )

მიუხედავად იმისა, რომ როგორც რომანტიკული ქალები მიიჩნევენ, "სხვისი ფულის დათვლა ქალების საქმე არ არის", მათი თქმით, ფულის ხარჯვით უფრო დიდ სიამოვნებას იღებენ, ვიდრე თუნდაც საკუთარი ბიუჯეტის დაგეგმვით, ფინანსისტის პროფესია დღეს მაინც ძალიან პოპულარულია. მით უმეტეს, რომ პროოფესიონალი ფინანსისტის შრომა საკმაოდ მაღალანაზღაურებადია. უფრო ზუსტად კი, ამ პროფესიის ადამიანების ხელფასი 1000 ლარიდან იწყება.

9. კოსმეტოლოგი

თუ ადრე საქართველოში ამ პროფესიას თითო-ოროლა ადამიანი ფლობდა, დღეს უკვე ყველა სილამაზის სალონსს თავისი კოსმეტოლოგი ჰყავს. სხვათა შორის, ამ პროფესიის ქალებს, როგორც წესი, განათლება საზღვარგარეთ (რუსეთში ან საფრანგეთში) აქვთ მიღებული. იმ უბრალო მიზეზის გამო, რომ ადრე ამ საქმიანობის შესწავლა აქ პრაქტიკულად შეუძლებელი იყო. რაც შეეხება ანაზღაურებას, დღეს კოსმეტოლოგთან ვიზიტი 50-დან 150 ლარამდე ღირს.

10. ექიმი

ამ პროფესიას მხოლოდ ის გოგოონები ირჩევენ, რომელბმაც იციან, რომ ეს საქმე ნამდვილად უყვართ. საბედნიეროდ, წინა წლებთან შედარებით ექიმის შრომას მეტ-ნაკლებად ფასი დაედო, მაგრამ ჩვენი ექიმები თავიანთ ევროპელ კოლეგებს ხელფასით ნამდვილად ჩამორჩებიან..



Continue Reading...

დედაჩემი VS მამაჩემი


დღევანდელმა თავხედამხობა-კივილ-წივილმა საბოლოოდ დამანახა, რომ დედაჩემთან ცხოვრებას აშკარად მამასთან ჯობს.

1. მამაჩემი სახლში საღამოობით მოდის და სკოლა-მეცადინეობების დეტალების გამოკითხვით არ მიწვრილებს გულს;
2. მამაჩემი იშვიათად მიბრაზდება, თუ გაბრაზდა, მართალია მტრისას, ისე მრისხანებს, მაგრამ შეფარდება 175641764:1-თან არის დედაჩემის და მამაჩემის გაბრაზებათა რაოდენობის.
3. მამაჩემი ყოველთვის პირველი დგამს შესარიგებელ ნაბიჯს, განსხვავებით დედაჩემისგან, რომლისგანაც ამგვარი საქციელი არათუ იშვიათი, არამედ პარადოქსულიც კი არის;
4. მამაჩემთან გაერთობა მაინც ადამიანი, ზოგჯერ გულიანად მაცინბს ხოლმე, დედაჩემს კი რთულია მოსთხივო ამგვარი რამ, 24 საათი კვირაში 7 დღე დამჟავებული გამომეტყველებით და მოშხამული ხასიათით დადის ( ლოლ, დედაჩემი იმოა? :უსერ:) ;
5. მამაჩემმა სმს-ების კითხვა არ იცის, ამიტომ საფრთხე იმისა, ჩემი ინბოხი გადაქექოს, ნულია :> განსხვავებით დედაჩემისგან, რომელიც მაშინვე შემოსულ სმს-ს მივარდება, თუკი მობილური მარტო დაიგულა.
6. მამაჩემი გაცილებით მეტ თავისუფლებას მომცემს , ვიდრე დედაჩემი. ეს კარგია, იმიტომ რომ ბოროტად არასდროს ვიყენებ;
7. მამაჩემს სუპერმარკეტებიდან მოაქვს ხოლმე გემრიელობები :წუბ: დედაჩემი კი სახლში ბოსტნეულით და სუპებით მაზიზღებს ჭამას : ს 
8. დაბოლოს, მამაჩემი სკოლაში სამოსანი იკო და სინდისი არ უზამს, სწავლაზე შენიშვნა მომცეს :ბეეკ:
დედაჩემი ფრიადოსანი იყო, ამიტომ წაიღო ტვინი და მეთერთმეტე წელია უმაღლეს შეფასებებზე მიწევს სწავლა :D

ამ რვა პუნქტიდან გამომდინარე, აშკარაა, რა ბედნიერი ვიქნებოდი, მე და მამა მარტო რომ ვცხოვრობდეთ, დედაჩემი კი სადმე წავიდეს უცხოეთში და წელიწადში ერთხელ , ჰა-ჰა ორჯერ მნახოს :უსერ:

P.შ. ვეცადე ერთი პუნქტი მაინც შემეტანა დედაჩემის სასარგებლოდ, მაგრამ ვერაფერი მოვიფიქრე

:D

Continue Reading...

Sunday, April 19, 2009

Street Style




















ქუჩის მოდამ გამტაცა ამ ბოლო დროს. ჩემი სტილი ვიპოვე :D გთავაზობთ ფოტოებს, რომელიც მე ყველაზე მეტად მომწონს

Continue Reading...
 

Finding Neverland Copyright © 2009 Girlymagz is Designed by Bie Girl Vector by Ipietoon